Me gler oss til å ta i bruk nettavisa, og håpar de gler dykk med oss!

Her er litt praktisk info.

Abonnement-endringar:

Alle som i dag har papiravis blir oppgradert til komplett abonnement, kor du får digital tilgang i tillegg til papir – til same pris som før.

Dei som i dag har papir og PDF-avis går ned i pris og legg seg i kategorien komplett med dei ovanfor.

Dei som har PDF-avis går over på digital tilgang til nettavis og E-avis.

Er du allereie abonnent og ønskjer digital tilgang?

Me treng e-posten din for å sende deg brukarnamn og passord.

Send namn, adresse og e-post adresse til post@vestavind-sveio.no, så vil me fortløpande sende ut innlogging.

Er du ikkje abonnent, men ønskjer å bli det?

For meir informasjon og bestilling av abonnement, sjå her.
Har du spørsmål angåande abonnement? Kontakt vår marknadsansvarlege Susanne på mail: post@vestavind-sveio.no.

Med abonnement på nettavisa får ein også tilgang til å lesa avisa som E-avis i høgoppløyseleg kvalitet.

Publiserte artiklar

Forutan rykande ferske artiklar frå vekas avis, har me valt å publisera ei handfull tidligare artiklar på nettsida (ikkje eldre enn 2019), både for å gje nye lesarar ein smakebit av Vestavind, men også for historikken sin del.

Eldre artiklar er korrekt markerte med rett dato dei først kom ut i avisa.

Kva vil vera lukka, og kva vil vera ope?

Når me har temaaviser som blir sendt ut som gratis stordistribusjon (slik som vekas Bygg og bu-avis) vil alle sakene i den avisa, også nyhende, vera opne.

På nettavisa elles er det slik at dei fleste saker naturleg nok vil vera lukka, eksklusivt for abonnentar. I ny og ne vil me velja å ha nokon feature-reportasjar (til dømes portrett o.l.) opne for alle, men det er ei fortløpande vurdering etter kva sak det er snakk om.

Saker som omhandlar hendingar som trafikkulukker, brann og lignande som baserar seg på nødetater sine loggar vil vera opne for alle.

Med atterhald om endringar.