Dette gjeld likevel ikkje alle, sa barne- og familieminister Kjell Ingolf Ropstad på regjeringa sin pressekonferanse torsdag. Mellom anna er det spørsmål om arbeidsplassen er slik organisert at det er mogleg å overhalda smittevernkravet om tilstrekkeleg avstand.
Eit anna krav, som er mindre aktuelt i Sveio enn i dei større byane, er at dei som er avhengig av eit kollektivt transporttilbod for å koma seg på jobb blir bedne om å halda fram med å arbeida heimanfrå.
Barne- og familieministeren kom elles med krav til kommunane om å prioritera sårbare barn og unge i tida framover.
Dessutan kom statsråden med ros til mellom andre ulike kyrkjesamfunn som har vore kreative og utvikla digitale løysingar for gudstenester og anna samkvem i den tida det har vore umogleg å samlast fysisk.