I heile mai og juni var det planlagt kunstutstilling med Rannveig Barstad. Litt forseinka blir det opning Kristi Himmelfartsdag med kunstnaren til stades.
Ranveig Barstad har drive med kunst og moderne akvarell i over 20 år. Ho har vore med på fleire internasjonale utstillingar og hatt fleire solo-utstillingar. Ho har også hatt ein del utsmykkingsoppdrag, skriv Galleri Ryvarden i ei pressemelding.
Før Barstad tok utdanning i kunst, dreiv ho i reklame-bransjen; alt frå dekorasjonssjef til Art Director. I dag arbeider ho berre med moderne akvarellar. Kunstaren er ein fargerik person, og dette ser ein igjen i bildene hennar. Nokre abstrakte og meir naturelle-malt, men mange er i sterke fargar som speglar personlegdomen hennar.