Salet av kafffi, vaflar, is, brus og saft starta i fjor sommar. Det vart så populært at ein har halde fram med det i år også. Kiosken er open i nesten fire timar når det er fint vêr, og dermed god sjansar for kundar. Tiltaket er populært og blir brukt av både kundar frå heile kommunen som kjem igjen gong etter gong, og besøkande til stranda og Rex Garden.
Ansvaret for salet går på omgang blant frivillige, og sist laurdag var det ordførar Linn Therese Erve som fekk opplæring av Tor Inge Flåten, leiar i Førde Bygdelag, før kiosken opna. Med seg som hjelpegut hadde ho sonen Gaute Osa Erve, og dei fekk ei travel kioskvakt med godt sal.
Har du lyst til å hjelpa til, er det berre å ta kontakt med bygdelagsleiar Flåten. Systemet som blir brukt er enkelt: trykk på bileta på Ipaden, og den reknar saman kva kundane skal betala.