Grunna skogbrannfare er det eit generelt bålforbod frå 15. april til 15. september. Då forbodet blei oppheva denne veka, kan mange sjå fram til lange haustkveldar rundt bålet.
– Retten til å tenna bål i skog og mark er ein viktig del av allemannsretten. Så lenge ein viser bålvit og er merksam på skogbrannfare, er det berre til å komma seg ut og nyta hausten, seier Siri Meland, fagsjef samfunnskontakt i Norsk Friluftsliv.
Før du fyrer opp bålet er det alltid viktig at du forsikrar deg om at det er trygt, og set deg inn i lokale forhold.
Sjekk forholda
– Det er viktig å vera klar over at det på nokre stader er lokale bålreglar. Ver også merksam på vêr- og vindforhold der du er, og sjekk at det ikkje er for tørt i naturen rundt deg, seier Meland.
Ho minner også om at med retten til å hygga seg i naturen, følgjer det også med plikter – som å rydda opp etter seg.
Les meir om bålbrenning på Haugaland brann og redning iks.