Nettavisa kunne ikkje kome på eit betre tidspunkt. Det skjedde mykje i starten av korona-tida og det var viktig for Vestavind å formidla det som skjedde på godt og vondt, med både nyhende og praktisk informasjon dagleg.
Digitalt er inkludert
Etter eit halvt år på nett passar det å summera litt. Alle abonnentane våre har digital tilgang inkludert i sitt abonnement, og per dags dato er det rett over halvparten som har tatt lokalavisa i bruk digitalt.
På nettet kan ein lesa ein kopi av papiravisa som E-avis, og lesa saker som blir lagt ut fortløpande.
Abonnementsansvarleg Susanne Lie Vallestad bistår gjerne dersom nokon treng assistanse for å koma over den digitale kneika. For at me skal kunne senda ut brukarnamn og passord, treng me e-postadresse og namn/adresse som abonnementet står på. Opplysningar om innlogging blir sendt ut fortløpande.
Svikt i annonseinntekter
Pandemien har ikkje berre vore positiv for Vestavind, og det har nok lesarane våre fått merka.
Annonsørar i både næringsliv og organisasjonsliv har naturlegvis også blitt berørte av korona over ein lengre periode. Det gjer at papiravisa til tider er tynnare enkelte torsdagar – rett og slett grunna få annonser.
Til fleire annonsar Vestavind har, til større avis kan forsvarast økonomisk.
Dei tre tilsette i Vestavind ser framover, og prøver å gjera det beste ut av situasjonen.