15. oktober blir refleksdagen markert over heile landet. Målet er å få folk til å bruka refleks, slik at dei ikkje kjem ut for ei ulukke.
For å få éin ting mindre å hugsa på i kvardagen, oppmodar Trygg Trafikk til å bruka nokre minuttar av dagen på å festa refleksar på jakker og bagar, Kvart år har organisasjonen fysiske tellingar over heile landet, som viser at fire av ti vaksne brukar refleks – ungane er flinkast.
Stort engasjement
Refleksdagen blei arrangert av Trygg Trafikk første gong i 2006, og er alltid tredje torsdagen i oktober. Alle kan vera med, og både skular, barnehagar, verksemder og organisasjonar engasjerer seg, og minnar folk på den vesle livreddaren.
Flest ulukker skjer i byar, og når folk kryssar gata.