Du har kanskje lyst opp to par auge med billysa i mørkret, ofte står dei berre og ser forundra på køyretøya som durar forbi. Av og til finn skogsdyra på å kryssa vegen når kysten ikkje er klar, og at det kan vera vanskeleg å stoppa i tide på kort varsel, har femten bilistar på Sveio-vegar fått erfara i år, i følgje Hjorteviltregisteret.
Ring 02800
– Kjem du ut for å køyra på eit dyr, har du plikt til å melda frå. Skadde dyr vil ofte gøyma seg, og er vanskelege å finna, dermed kan dei bli liggjande i fleire dagar, og lida ei smertefull død. Det er straffbart å etterlata skadde dyr, opplyser Arne Voll, kommunikasjonssjef i Gjensidige.
Skadar på eige køyretøy ved påkøyrsel av dyr blir dekka av kaskoforsikring. Dersom uhellet er ute, kan Politiet kontaktast på 02800, så rekvirerer dei viltnemnda.
Fem hjort og tre rådyr er registrerte som fallvilt i Sveio etter påkøyrsle i 2019. Hjortevilt som døyr av andre årsaker enn jakt, blir kalla fallvilt. Oversikta oppsummerer påkøyrslar med motorkøyretøy til no i år:
Dato | Stad | Art | Alder | Utfall |
29. februar | Rasteplass E39 Hope | Hjort | Vakse dyr | Avliva på staden |
19. mars | (ikkje oppgitt) | Rådyr | Vakse dyr | Dødt på staden |
25. mars | (ikkje oppgitt) | Hjort | Ungdyr | Dødt på staden |
05. april | Ekrene | Rådyr | Vakse dyr | Dødt på staden |
07. april | Liagjerdet | Rådyr | Vakse dyr | Dødt på staden |
17. april | Krossgått | Rådyr | Vakse dyr | Avliva på staden |
29. april | Ekrene | Rådyr | Ukjent | Ettersøk avslutta – ikkje funne |
05. mai | E39 sør for Kvalvåg | Rådyr | Vakse dyr | Avliva etter ettersøk |
05. juni | Drange | Rådyr | Vakse dyr | Dødt på staden |
08. juni | Eikeland | Rådyr | Ukjent | Ettersøk avslutta – ikkje funne |
09. juli | Lid | Rådyr | Vakse dyr | Avliva på staden |
18. juli | Vihovda | Hjort | Vakse dyr | Observert – antatt uskadd |
25. juli | Hinderli | Rådyr | Kalv/årsunge | Dødt på staden |
29. juli | Lid/Hinderli | Rådyr | Kalv/årsunge | Ettersøk avslutta – ikkje funne |
14. september | Vihovda | Hjort | Kalv/årsunge | Ettersøk avslutta – ikkje funne |
16. oktober | Nyland | Rådyr | Kalv/årsunge | Avliva på staden |