Oransje varsel
Frå ni-tida om morgonen i dag, og fram til midnatt er det venta svært mykje regn, og det er fare for overvatn i tettbygde område. Sveio kommune ber om at innbyggjarane følgjer med på at slukar er opne, for å unngå oversvømming.
Det er i tillegg stor fare for jordskred i Vestland fylke og Rogaland fylke. Grunnvatnet og metningsgrad av vatn i bakken er alt svært høge. Det er venta mykje nedbør, slik at faren for jord- og flaumskred er auka. Bratte skråningar, bekkar og elveløp med stor vassføring er spesielt utsett.
Gult varsel
I Vestland fylke er det moderat fare for kraftige vindkast frå midnatt i kveld til klokka 9 om morgonen torsdag.
Torsdag er det venta mykje snø i Vestland og Rogaland. Over 300 m.o.h. er det venta 10-20 centimeter, mest snø vil koma i nordlege område.
Vêrvarslinga for Sveio viser at me kan forventa oss sluddbyger mellom klokka 06 og 12 i morgon.