Lars Einar Hollund (H).
Lars Einar Hollund (H). FOTO: Vestavind/arkiv

Stortingsval 2021:

Lokal Høgre-politikar kandidat

Det er Stortingsval neste haust, og Vestland Høgre blei i helga klar med si stortingsliste for Hordaland valdistrikt – det blir éi liste for Sogn og Fjordane også.

Hordalandslista tel 22 namn frå heile valkretsen, Lars Einar Hollund frå Sveio Høgre har kome med på 20. plass. 64-åringen har dei to siste periodane vore med i formannskapet og kommunestyret i Sveio.

– Eg ser på det som ei stor ære å få stå på same liste som statsministeren vår, seier Hollund til Vestavind.

Hollund, som opphavleg er frå Bømlo, har vore med i partiet sidan 1970-talet, er gift og bur på Våga ved Ålfjorden. Han politiske interesseområde er i hovudsak det som omhandlar lokalmiljø, då med tanke på oppvekst, bu og fritid, samt trygg alderdom. Han er også opptatt av å skapa arbeidsplassar og trygga nærmiljø.

Statsminister Erna Solberg (Bergen) tronar lista, etterfulgd av Ove Trellevik (Øygarden) og Peter Christian Frølich (Bergen). Frå Sunnhordland er noverande stortingsrepresentant Liv Kari Eskeland (Stord) på 4. plass, og Henrik Engevik Hatlevik (Stord) på 18. plass.