Bli abonnent
Logg inn

nyhende

Vegard Glette og Ove Hettervik i ferd med å få på plass ei betongplate i Vågedalen.
Vegard Glette og Ove Hettervik i ferd med å få på plass ei betongplate i Vågedalen.
Koordinatar frå målingar plotta i kart: Det er teikna inn strekar mellom punkta for å illustrera at røyr ikkje kryssar kvarandre. Blå strek er 180 mm vassleidning, oransje strek er 120 mm pumpeleidning.
Koordinatar frå målingar plotta i kart: Det er teikna inn strekar mellom punkta for å illustrera at røyr ikkje kryssar kvarandre. Blå strek er 180 mm vassleidning, oransje strek er 120 mm pumpeleidning.
pumpekum Vikse
Den nye pumpekummen på Vikse kom på plass alt i fjor haust. På biletet ser med Vegar Glette.

Vass- og pumpeleidningen klar over Viksefjorden

Tiltaket med å leggja vass- og avløpsleidningar i sjøen frå Vikse, over Viksefjorden til Rophus kaiområde, er ferdig. Total kostnad om lag 5,7 millionar kroner.

Publisert Sist oppdatert

– Prosjektet har i grove trekk gått ut på å byggja ny avløpspumpestasjon på Vikse-sida, deretter leggja 1 kilometer lang pumpeleidning for avløp, samt 1 kilometer vassleidning over Viksefjorden til Rophus-sida, fortel Tore Johann Enerstvedt, prosjekt- og byggeleiar ved drift og anlegg i Sveio kommune.

Ifølgje Tore Johann Enerstvedt, prosjekt- og byggeleiar ved drift og anlegg i Sveio kommune, har det på Rophus-sida lenge lege leidningar i sjø, for vatn og avløp, klar for tilkopling til dette prosjektet.

Saman om ein reinare fjord

Anlegget er no meir eller mindre ferdig og pumpestasjonen er tatt i bruk. Vikse skule er allereie kopla innpå. Det er fleire bygg i området som skal koplast på dette offentlege avløpsanlegget no i løpet av ein til to månadars tid.

I samband med prosjekt sykkel og gangsti frå Vikse skule til Straumavegen, vert det lagt ned pumpeleidning for avløp langs traséen. Målet er at så mange som mogleg etter kvart ønskjer å kopla seg innpå dette offentlege avløpsanlegget.

– Dess fleire som koplar seg på dess reinare blir Viksefjorden, påpeikar prosjekt- og byggeleiaren.

Mange å takka

Xylem Water Solutions Norge AS vann anbodet på sjølve pumpestasjonen, medan T. Halleland AS vann anbodet med grunnarbeid, inkludert legging av vatn- og avløpsleidningar frå pumpestasjon og over Viksefjorden, samt kabelgrøft med meir.

I og med at delar av arbeidet er innafor eit naturreservat, var det naudsynt å gjera arbeidet på vinterstid utanom hekkesesongen for fugl.

Enerstvedt ønskjer å takka T. Halleland AS for godt samarbeid og godt utført arbeid. Han vil også takka politikarane i Sveio for å ha prioritert og godkjent dette prosjektet. Og til sist, men ikkje minst, skal grunneigar Harald Johan Studsvik ha takk for velvilje i prosjektet.

Tiltaket er merka med skilt på begge sider av Viksefjorden.

Prosjekteringsteikning som viser leidningstrasé med vatn og avløps, som no er lagt i Viksefjorden.
nyhende
Powered by Labrador CMS