Vurderer om fleire skal avhøyrast

Det er éi veke sidan det tok fyr i ei søppelbøtte i skuletida på Vigdartun. Brannen blei raskt sløkt, men to tilsette blei sendt til sjukehus, ungdomsskuletrinnet fekk fri resten av dagen grunna røyk i lokala.

Politiet oppretta sak på forholdet, men dei har ikkje kome noko vidare i etterforskinga. Dei to gutane som vitne hadde observert like før brannen blei oppdaga, er sjekka ut av saka.

– Det blir vurdert om fleire ungdomar skal inn til avhøyr. Om nokon veit noko, kan dei ta kontakt med rektor, seier Bjørn Inge Espeland, mellombels politikontakt for Sveio.