nyhende
Sesongstart på Ryvarden kulturfyr
Sundag 6. mars ønsker Ryvarden Kulturfyr velkommen til sesongstart av ny galleri og kunst. Det vil vera mykje å ta seg til når kafeen opnar og fargerik kunst skal opp.
Åse Berit Skeie Ulltang, og hennar utstilling «MELLOM», vil vera å sjå på sesongopninga sundag 6.mars til og med sundag 24. april.
Fargerikt
Ulltang budde 5 år i Sør-Korea og det var her ho oppdaga nye materialar som ho i dag nyttar i kunsten sin. Ulltang har alltid vore begeistra for fargar, og når ho kom til Korea vart ho glad av all den sterke fargen som landet tok i bruk.
Kunstutstillinga «MELLOM» speglar gleda og undringa over fargenyansar, og spenninga i å setja opp ulike fargar mot kvarandre er viktig i kunsten for Skeie Ulltang.
Fullmånekveldar
Gunn Bente Håvardsholm er kulturfyrvoktar i Ryvarden Kulturfyr, og kan fortelja at det vil vera fleire store hendingar ut over sesongen. Det vil blant anna vera tre fullmånekveldar i midten av mars.
— Til to av desse vil det vera få billettar, så her må ein vera rask, seier ho.
Ryvarden Kulturfyr vil halda opent laudagar, sundagar og heilagdagar.
