nyhende
To frå Sveio til landslagssamling
Noregs volleyballforbund har teke ut den første brutto-troppen til juniorlandslaget for kvinner. To kjem frå Sveio.
Malin Nummedal Halleraker og Sarah Kvalvågnes Guddal er blant dei 19 jentene frå heile landet som landslagstrenarane Vitor Macedo og Håkon Skipenes Østrem har teke ut til den første junior-landslagssamlinga i haust.
Bade Halleraker og Guddal kjem frå Sveio, og representerer Haugesund Volleyballklubb.
Samlinga finn stad på skulen ToppVolley Norge i Sand i Suldal 3.-6. oktober. I etterkant av samlinga vil landslagstrenarane ta ut troppen som skal på førebuande samling i Tromsø, og så vidare til nord-europeisk meisterskap, Nevza U19, i finske Rovaniemi siste helga i oktober.
Her er heile uttaket til den første samlinga:
Ane Stavem, BK Tromsø
Ariel Vaigafa, KFUM Stavanger
Aurora Håkstad, BK Tromsø
Eline Hansen, KFUM Stavanger
Elise Munkejord Pedersen, Kristiansand SVBK
Ellinor Steen Molland, Koll IL
Hedda Øvereng, KFUM Volda
Helma Stavem, BK Tromsø
Ingrid Roness, BK Tromsø
Jenny Sørgulen, Svelgen Turn & Idrettsforening
Julia Moi Tennøy, KFUM Stavanger
Kaia Markhus Flatekvål, Sandnes VBK
Lisa Kleivane, Kristiansand SVBK
Madelen Dahl- Sigurdsen, BK Tromsø
Malin Nummedal Halleraker, Haugesund VBK KFUK-KFUM
Nora Øvereng, KFUM Volda
Sarah Kvalvågnes Guddal, Haugesund VBK KFUK-KFUM
Solveig Gladsøy Sunde, SK Rival
Tuva Melund Enevoldsen, Kristiansand SVBK
