Køyrde ned lyktestolpe

Om lag klokka 23 måndag vart politiet kontakta i samband med at ein bil hadde køyrt ned ein lyktestolpe i nærleiken av Sveio skule.

Vaktsjef ved Haugesund politistasjon Dan Magne Gaard fortel at politiet rykte ut og var raskt på staden. Hendinga fant stad på ein parkeringsplass i nærleiken av skulen, i Sveiogata.

Politiet har vore i kontakt med ein ung mann som erkjenner å ha køyrt bilen.

Sjåføren har vorte avhøyrt av politiet, og det er ikkje mistanke om rus.

— Ei sak vert oppretta, seier Gaard.

I samband med kollisjonen har det vore noko skade på ein leidning tilhøyrande lyktestolpa. Difor vart Haugaland Kraft også varsla.