Melder seg ut av samarbeid om brannvesen

Måndag kveld gjekk forslaget samrøysta gjennom kommunestyret, og med det var Sveio si deltaking i samarbeidet over. Haugaland Brann og Redning er eit interkommunalt samarbeid mellom Bokn, Karmøy, Tysvær, Utsira, Vindafjord og Sveio.

Sistnemde skal no ut av samarbeidet, og heller forsøka å samarbeida med brannvesenet i Haugesund. I vedtaket heiter punkt 2:

– «Kommunestyret gir rådmannen mynde til å inngå avtale med Haugesund kommune om samarbeid med Haugesund brannvesen innanfor rammene av saka. Ny organisering skal vera på plass så raskt som det er føremålstenleg.»

I vedtaket står det at rådmannen skal melda Sveio ut, men når det skjer er ikkje bestemt enno. I vedtaket punkt 1 heiter det, mellom anna:

– «Kommunestyret gir rådmannen mynde til å senda formell utmelding til Haugaland Brann og Redning IKS så snart forholda ligg til rette for det.»