Minnesteinen på Framnes

Faktaboks

Rikart Johan Berge
kanonmann, Vikebygd
Fødd 28. september 1914 i Sveio, son til Tollev Berge, f. 1877, og Inger Gurine f. Oa, f. 1878, begge i Sveio. Gjekk 10 vekers framhaldsskule, arbeidde seinare som gardsarbeidar og fiskar. For til sjøs 1939. Var på rekruttskule i Skottland, etterpå var han kanonmann på m/s Vibran, og kom vekk med båten på veg frå Cardiff til Halifax, etter 18. september 1942.

Karl Egge
sjømann, Vikebygd
Fødd 8. april 1919 i Sveio, son til Ole Egge, f. 1888 i Gloppen, og Gurine Berentine f. Jansen, f. 1893 i Sveio. Var før krigen i bakarlære. Gjekk sidan til sjøs og var til sist på m/s Hørda som kom bort i mars 1941 på veg frå England til Amerika. Skipet gjekk frå konvoien etter planen 23. mars.

---

Kjelder:

Nett

• Wikipedia
• snl.no
• minnehallen.no
• www.uboat.net
• skipshistorie.net
• wrecksite.eu
• hist.uib.no/digitalskolen
• www.skipshistorie.net
• regjeringa.no  – tale av tidligare forsvarsminister Anne-Grete Strøm-Erichsen i møte med krigsseglarar og pårørande, Risør 3. august 2013, tale i Fredsparken
• bokselskap.no

Bøker

• Våre falne, bind 1-4
• Sveio i krig
• Handelsflåten i krig 1939-1945: Hjemmeflåten, mellom venn og fiende
• Brennpunkt «Westküste»
• Valestrand under okkupasjonen: 1940-45
• Sjøfolk i krig – haugalendinger ser tilbake – 50 år etter

Markering på nasjonaldagen

Oa ungdomslag har eit rikt arkiv. Her finn ein dokumentasjon på at avdukinga var 17. mai 1946 klokka 15.00.

Alle i Oa-krinsen var i sving då det skulle samlast inn pengar til minnesteinen. Mona Lervik frå Oa ungdomslag har funne fram nokre dokument frå safen, som viser kven som har vore aktive i innsamlingsarbeidet, og kva kvar granne har gitt. Som regel mellom 10 og 30 kroner, enkelte bidrag er på heile 100 kroner.

Av kvittering frå A/S Vestlandske Stenindustri, ser ein at sjølve steinen med innfelt namn kosta 950 kroner. I tillegg kom køyring og sement, som gir ein sluttsum på 1275,25 kroner. Det var og nokre utgifter med merket i 1947, på 231 kroner og 50 øre. Av kvitteringa går det og fram kva steintype som er nytta til bautaen. Skrifta er vanskeleg å tyda, men det kan dreia seg om nøtterøy-syenitt.

I Haugesunds Avis torsdag 16. mai 1946, var det annonsert avduking av minnesteinen fredag 17. mai klokka 15.00 i 1946. Etterpå var det festleg «samkoma» i ungdomshuset som då vart kalla Fredheim.