Sveio rykte opp til 5. divisjon

Ein god haustsesong ble avslutta med kalassiffer på heimebane mot botnlaget i 6. divisjon avdeling 4. Trenar Henrik Grasdal Larsen er sjølvsagt nøgd med både mange mål og opprykk, men:

– Me burde hatt dobbelt så mange mål ut frå sjansane, og bomma på ope mål tre gonger.

Skudenes blei totalt overkøyrt frå start, og var i realiteten sjanselause. Kampen starta med tre Sydnes-mål i løpet av 16 minuttar fordelt på Martin (2) og kaptein Erik.

Hat trick

Deretter var det 15 år gamle Emil Hinderlid Misje som med sine to scoringar la på til 5-0 før pause. Stortalentet scora også det siste målet i kampen og gjorde dermed hat trick. Anders Sausjord Bjelland var den fjerde som teikna seg på scoringslista.

– Emil har spelt med oss heile sesongen og debuterte som 14-åring. Han har hatt ein veldig god sesong og er ein av toppscorarane på laget. Me får også glede av han kommande sesong i 5. divisjon, seier Grasdal Larsen.

At Sveio er god til til å finna nettmaskene viser også statistikken til NFF. 74 mål totalt gir eit snitt på 3,2 mål per kamp denne sesongen.

Ikkje mange som visste

– 5. plass på tabellen, og likevel opprykk. Kan du forklara korleis det går til?

– Eg trur ikkje det var så mange andre enn oss i laget som var klar over at det blei opprykk. Forklaringa er at dei vil ha fleire lag i 5. divisjon frå neste år, kombinert med at det er fleire 2-arlag i avdelinga. Det er lag som har A-lag i høgare divisjon, og då kan dei ikkje rykka opp. Me var det tredje laget som var sikra opprykk. Det fjerde laget er ikkje avklara enno, forklarar Grasdal Larsen.

Tabellen