Der venta både god mat og mykje informasjon. Ved ankomst helsa tidlegare rådmann i Sveio, Odd Henry Dahle, oss velkomne og fortalde om Visnes-samfunnet både i fortid og notid. Mellom anna ar det artig å høyra at her har ein hatt gruvedrift frå 1865 til 1972.
800 tilsette
Vigsnes Kobberverk som på slutten av 1800-talet sysselsette vel 800 mann i gruvene og sto for 70 prosent av den norske eksporten av kopar. Mellom anna kjem koparen som er brukt i fridomsgudinna i New York frå Visnes. På den tida budde det ca 3.000 personar her ute, og Visnes hadde både sjukehus, skule og ordenspoliti. I dag arbeidar friviljuge med å ta vare på mykje av gruvekulturen og alt som følgde med. Og her har Odd Henry Dahle ei sentral rolle.
Råmjølkspudding
Ingen tur utan ogd mat og drikke og denne gongen var sjølvsagt ikkje noko unntak. Vertskapet på Fransehagen Bistro serverte herleg Boef Bourguignon med heimelaga potetstappe og grønsaker. Og til dessert fekk me ein heller sjeldan rett i dag, nemleg råmjølkspudding med frukt og god saus til. Kaffi blei det og før me sette oss i bussen og vende nasen heimover.
Trygg og blid sjåfør var Nils Kristian Haga som hadde nok å styra med når mange med rullestol skulle av og på.
Takk for hjelp og støtte
Me i pårørandeforeeininga vil takka alle som stilte opp og gjorde turen mogleg – både friviljuge, pårørande og representantar frå dagsenteret. Særskilt takk til Ola Aarrestad som på sparket stilte opp med eigen bil for å få med ein bebuar i rullestol. Turen blei arrangert med støtte frå Sveio omsorgssenter.
Jan Enerstvedt
Turleiar/leiar i pårørandeforeininga