Alle som ein av borna kosa seg med å leite og vaske gull. Dei var dyktige og hadde teken på vasking. Det var kjekt å sjå når dei små gullklumpane dukka opp i vaskefatet. Mange strålte av glede, då dei såg det var gull. Det vanka popkorn på alle ved stranda. Det blei også bading på fleire i det flotte sommerværet.
Etter på var det aktivitet i Gullsjøhuset med teikning med meir for dei minste. Det var også kafé med sal av dei etterkvart kjente Gullsjøhusvaflene, etter Aud si oppskrift og forfriskningar. Det var svært travelt for kafégjengen. I alt var det registrert 173 personar som kom innom Gullsjøhuset.
Me som står som tilskiparar er strålende nøgde, at så mange kjem. Det gjer oss rett og slett glade. Tusen takk til kvar og ein som kom. Me ligg ikkje på latsiden, følg med for det blir fleire arrangement i Gullsjøhuset. Slike arrangement er så viktig for samkjensle, der ein får ein god drøs på tvers av generasjonar.
Dette viser også at bygdane i kommunen, som her på Bua, gjer det triveleg å bu i bygdane våre. Gullsjøhuset bør kvar og ein merka seg, for dette bygget med aktivitetar set kommunen på kartet. Gullsjøhuset er rett og slett eit kulturbygg i kommunen vår. Det er me stolte over.
Dagfinn Fagerland Bjørge