Framleis er det berre visse pasientgrupper og helsepersonell som blir testa, og ein får heller ikkje kontakt med helsepersonell om ein registrerer seg. Men ein bidrar til å kartlegga kor mange som kan vera sjuke av koronavirus i Noreg.
Det melder Folkehelseinstituttet, som samman med Norsk Helsenett står for sjølvrapporteringstjenesta.
Betre oversikt over smitte
– Me set stor pris på om alle som har symptomar som kan vera koronavirus, som hoste, pustebesvær eller feber, melder frå om dette. Hensikten med denne løysninga er å gje helsemyndigheitene ei betre oversikt over utbreiinga av smitte, og dermed også kunna bidra til å handtera utbrotet, seier overlege Preben Aavitsland i Folkehelseinstituttet.
Skjemaet Meld fra ved mistanke om koronavirus skal brukast av deg som har symptomar som kan skuldast koronavirus. Du må logga deg inn som brukar av løysinga for å melda frå.
Nettskjemaet er nasjonalt, og alle innbyggarar kan registrera sine eigne og borna sine symptomar.