Me «mister» ein time av natta, men får til gjengjeld lysar kveldar framover. Å flytta på klokka to gonger i året blir ulikt praktisert. I 2018 la Europakommisjonen fram forslag om å avvikla ordninga med sommartid. To to år seinare er forslaget framleis ikkje vedteke.
Så Noreg flyttar på klokka i år også. Og blir forslaget vedteke, kan Noreg likevel bestemma seg for å halda på ordninga med å flytta klokka fram mot sommaren om våren og tilbake mot sommaren om hausten.
Litt fun facts på ein laurdag:
- Justervesenet bestemmer over den offisielle tida i Noreg. Sidan justisministeren har ansvar for Justervesenet, er ho også tidsminister.
- Den historiske grunnen til sommartidordninga var energisparing. Enkelte land innførte sommartid under første verdskrig for å spara kol som skulle brukast i krigen. Nyare studiar viser at me i dag sparar omtrent ingenting.
- Det seiest at George Hudson var den første som føreslo sommartid. Han var forskar og ønskte seg meir sol på kvelden for å driva med insektsamling.
- Noreg hadde sommartid første gong i 1916, deretter 1940-45, 1959-1965 og så kvart år sidan 1980.
- Nabolanda våre Sverige, Finland og Danmark har sommartidordning i dag. Russland og Island har ikkje.
- Dei første «klokkene» blei ikkje funne opp, men var basert på systematisk observasjon av naturlege fenomen som viser tida sin gang. Soluret er blant de tidlegaste astronomiske instrumenta.
- I eit solur nyttar ein jorda sin jamne rotasjon og skuggen frå ein sentral ståande visar til å laga ei urskive som viser tida sin gang. Solur fantest i det gamle Egypt og blir også nemd fleire stader i det gamle testamentet.