Med 10. klassingane Ingvild Haugland og Vebjørn Hjelmeseter i spiss som flaggberarar, Sveio drill og Sveio skulekorps, såg det nesten ut som eit vanleg 17. maitog som var på veg til Sveio omsorgssenter. Men der det skulle vore eit lite folkehav i etterkant, var det tomt.
Tomt var det ikkje på grusbanen ved omsorgssenteret. Festpynta traktorar fekk ein del til å ta turen berre forå sjå dei. Lyd laga dei også då det offisielle programmet var over. Med ei kraftig påminning frå vêrgudane undervegs om at me bur på Vestlandet.
Flinke 10. klassingar
Bebuarar, tilsette og familiemedlemmer på besøk sette pris på arrangementet. Ein del andre hadde også funne vegen for mellom anna å høyra 10. klassingane Ingvild Haugland og Vebjørn Hjelmeseter halda ein flott og reflektert tale for dagen saman.
Markeringa på omsorgsenteret kan du sjå HER.
Send oss bilder!
Over heile kommunen blir nasjonaldagen markert og feira på ulike vis. Me vil gjerne ha fleire bilder frå lesarane. Send dei til redaksjonen@vestavind-sveio.no Skriv gjerne kven som er på bildet, kvar dei er og kven som er fotografen.
Ha ei fortsatt strålande 17. mai-feiring!