Ryddeaksjonen blei arrangert som ein følgje av årets TV-aksjon, som har rettar fokus mot plastforsøpling i havet. Sveio kommune var initiativtakar, Sveio Frivilligsentral koordinator. Slettaa Dykkerklubb, Bremnes Seashore og Skjærgårdsservice stilte også opp på dugnaden med dykkarar og båtar. Containerar stod på Lyngholm, Buavåg, Auklandshamn og i Valevåg.
Søndag kveld, fortel leiar i Sveio Frivilligsentral at jobben som er gjort er fantastisk.
– Det er klart at tematikken i årets TV-aksjon er viktig for mange. Innbyggjarar i kommunen engasjerte seg, og det blei mange gode samtalar og møte rundt i bygdene, seier Kristianne Uri. Ho vil gi honnør til alle som stilte, og ikkje minst rodeleiarane.
– Me håpar fleire vil henga seg på og støtta TV-aksjonen, slik at WWF kan halda fram kampen mot plastforsøpling, seier Uri.