Innehavaren av kupongen er ei dame busett i bygda. På sjølvaste ulukkesdagen fredag 13., gjekk altså kupongen inn, og det for andre gong!
Det er Norsk Tipping som presenterer nyheita på sin nettstad, Haugesunds Avis har også omtalt den heldige vinnaren.
Feirar etter korona
– Då må eg berre seia tusen takk, sa kvinna då ho blei fortalt at ho var trekt ut som hovudvinnar i Nabolaget, og vinnar av éin million kroner. Ho fekk også vita at ho hadde vunne 100 000 kroner.
Då kom det fram at det same hadde skjedd ein gong før, berre med andre beløp.
– Det var då voldsomt kjekt. Då eg vann for nokre år sidan, hadde eg også levert to spel. Eg vann 100 000 kroner på den eine, og 10 000 kroner på den andre. Eg har hatt litt flaks, det må eg innrømma. Håpar den held fram, seier vinnaren, som ønskjer å vera anonym.
– Men det blir ingen feiring før korona’en er over, men då skal eg slå meg laus, seier kvinna til Norsk Tipping.