– Kulturlivet er ufatteleg hardt ramma av koronakrisa, og det er langt mellom konsertane om dagen. Difor gler me oss ekstra mykje til å få gjera jobben vår igjen og spela to konsertar neste veke. Me håpar musikken kan spreia litt lys og glede i ei utfordrande tid, seier Marita Kjetland Rabben i ei pressemelding.
Set kjensler i sving
Ifølgje Kjetland Rabben har dei funne repertoar for cello, song og piano som på ulikt vis speglar vårens mange stemningar. Gjennom eit utval norsk, fransk, spansk og amerikansk musikk får publikum servert heile kjenslespekteret: Her blir det liv, død, latter, gråt og brennande kjærleik!
Oppdatering 22.02.21: Etter dei lokale smitteverntiltaka, er det plass til 10 publikummarar.