Me i Spretten 4H markerte søndag 1. november den årlege haustfesten på ein litt annleis måte.
Me bestemte oss tidleg for at me ikkje kunne feira festen som vanleg, med foreldre, besteforeldre, tanter og onklar. Difor inviterte me kun medlemene i klubben, og ordførar Linn Therese Erve.

Me samla oss på Dolly Dimples i Haugesund, og spanderte pizza, kake og brus på heile gjengen. For å få presentere prosjekta, som ein vanlegvis gjer via ein utstilling alle lagar, laga alle medlemmene ein presentasjon av oppdraget. Leiar i klubben sette alt saman til ein film med musikk og klang, og viste filmen saman med pizzaen.

Det var ei fin og annleis feiring. Medlemmene, og klubbrådgjevrane koste seg, ordføraren var også stornøgd.

Marie Emberland,
leiar i Spretten 4H