Sveio Gjenbruksbutikk vart formelt stifta 15. juli 2014 og opna butikkdrifta den 30. august 2014 under nemninga «Gjenbruksløa».

Sveio Gjenbruksbutikk sitt føremål er å: «driva dugnadsbasert sal av brukte varer som er mottekne vederlagsfritt, til inntekt for nytt soknehus i Sveio. Dersom Sveio Gjenbruksbutikk vert nedlagt, skal alle innsamla midlar overførast til Sveio soknehus sin konto».

Rundt 60 frivillege er med på dugnad og utfører rundt 3.000 dugnadstimar i året.

Sveio Gjenbruksbutikk har i 2023 omsett for 883.018 kroner. Driftsutgiftene eks. rentekostnader har vore 152.205 kroner. Årsresultatet før disponeringar vart såleis 730.813 kroner. Lånet vart nedbetalt i juli 2022.

Det er utbetalt:

• 41.930  kroner til Schimmelpiano på soknehuset.
• 10.000 kroner til varmepumpe på Bua bedehus

Opningstidene har vore fredagar frå klokka 14-18 og laurdagar frå kl 11-15, medan tirsdagskveldane (frå 18-21) vert nytta til klargjering av butikken.

Mange fylgjarar på Facebook

Marknadsføringa har i det alt vesentlege skjedd over Gjenbruksløa sin facebookprofil kor ein i skrivande stund har passert 8.065 fylgjarar – ein framifrå prestasjon.

Gjenbruksløa har blitt ein god møteplass for alle frå kyrkjelydane i Sveio kommune, og har møtt ei overveldande positiv mottaking frå kundar frå både nær og fjern.

Styret i Sveio Gjenbruksbutikk

• Leiar: Per Bjørn Habbestad
• Styremedlemmer:  Arild Steinsland, Norunn Jensen og Eirik Eriksen

Per Bjørn Habbestad