Vigdis Alte har arbeidd i Sjømannskyrkja i 18 år. Ho starta med eitt år ved kyrkja i Costa del Sol og arbeidde i vel fire år i New York. Etter nokre år i personalavdelinga blei ho for seks år sidan tilsett som teamleiar i noregsarbeidet.
Sjømannskyrkja er ein sjølvstendig og frivillig organisasjon i utlandet. Arbeidet går ut på å skapa sosiale, kulturelle og kyrkjelege møtestader der folk er. Kyrkja finst på alle kontinent, på norsk kontinentalsokkel og har spesialkompetanse på kriseberedskap.
I forelesinga vil Alte snakka om historia til Sjømannskyrkja, ei lang og innhaldsrik historie som starta i 1864. Ho kjem til å leggja særskild vekt på kyrkja si betydning under den andre verdskrigen, der særleg Sjømannskyrkja i Hamburg fekk mykje å seia for mange nordmenn. I slutten av foredraget vil ho snakka om Sjømannskyrkja i dag.
Vel møtt i auditoriet på Vigdartun måndag til ei interessant forelesning om ein institusjon mange på våre kantar har eit nært forhold til.
Sjå elles annonse i papiravisa.
Kjell Gunnar Nymark,
leiar Sveio Senioruniversitet