Ordførar i Haugesund, Nils Konrad Bua heldt eit godt innlegg for forsamlinga der han snakka om si politiske reise.
På storskjemen i salen kunne ein sjå utklipp frå Vestavind datert 17. juni 1999, der ei historisk hending i kommunestyret prega førestesida, ungdomsrådet møtte for første gong i kommunen sitt øvste organ, og Bua fekk sin debut på talarstolen.
Samarbeid og valkamp
Nils Konrad fortalde vidare om korleis ein best skal leggja til rette for eit godt samarbeid i vår felles region. Vegard Enerstvedt, lokallagsleiar Bømlo Høgre, og 1. vara til samferdsleutvalet i fylket, fortalde godt om kva som rører seg på fylkesplan.
Året som var gått vart oppsummer frå styret og kommunestyregruppa, hovudaktiviteten dette året var valkamp. Over 1.000 dører vart besøkt, ein hadde stor aktivitet i heile kommunen, og oppsummert gav det gode resultat for partiet som kom ut som største parti i kommunen, og hadde ei vekst på 3,9 prosent.
Det nye styret
Med akklamasjon vart Lars Petter Lie (22), vald som leiar. Han skal utgjere styret saman med Janne Elise Fludal, Carl Enoksen, Lars Oddvin Hovda og Svein Olaf Bua.
Til vara vart Geir Terje Hamre og Torbjørn Føyen vald. I styret sit også gruppeleiar John Kristian Økland og ordførar André Mundal Haukås.
Sveio Høgre