Godt nyttår til alle!
Her kjem det litt informasjon om oss og kva me held på med, og kva me har tenkt å føreta oss gjennom året 2024.
I fjor etablerte me eit samarbeid med biblioteket i Sveio, og det var veldig kjekt. I praksis betyr det at me samarbeider med dei om ulike arrangement, og me fordeler møtene våre mellom både Sveio og Førde. I tillegg kan det bli arrangement andre stader i kommunen, alt etter tema.
Det første arrangementet me samarbeidde om i fjor, var opning av frøbibliotek. Dette var veldig populært og me håper det blir eit fast innslag i åra som kjem. Ideen er at folk leverer inn frø om hausten, og henter ut nye frø til våren. Dette gir oss eit høve til å få tak i fleire frø, og kanskje sorter som er nye for oss. Årets frøkveld hadde me 12. februar.
Me har gjennom mange år drive med kurs i poding av frukttre, og dette viser seg å vera svært populært. Me har gode instruktørar som har med seg alt ein treng til å kunne pode sine eigne tre, så her er det berre å møte opp. Det er viktig at alle får høve til å lære det dei spør om, og det er derfor eit begrensa antall, og ein må melde seg på på førehand.
Me plar kvart år å ha ei hagevandring og sjå på hagar rundt oss. Me har i år tenkt å dra til eit planteutsal der me vil få eit lite foredrag, samt omvisning og høve til å handle.
Det er mange hageentusiastar i Sveio og omegn, og me har fått ein av dei til å kome til Sveio Hagelag og fortelje om arbeidet sitt og kva som er viktig. Det er alltid spanande å høyre på personar som brenn for dette arbeidet, og som får det til, og me håper mange vil nytte høve til å få med seg dette.
Til vanleg har me årsmøte i oktober, og etter den tid er det stillstand til ut på nyåret. I år tenkte me å lage til ein førjulsaktivitet, og sjå om dette kan vera kjekt i førjulstida.
Dette er tilboda hagelaget har i år, og me håper det er interessant for fleire. Det kjem annonse i Vestavind når det nærmer seg med ytterlegare opplysningar, og så håpar me at fleire tar turen til våre arrangement.
På vegne av Sveio hagelag,
Wenche Strømøy