Fredag 27. oktober hadde Spretten 4H sin haustfest i gymsalen på Vikse skule med pizza, kaker, underhaldning, merkeutdeling til medlemma og loddtrekning av flotte premiar.
I år består klubben vår av heile 22 unge og aktive medlemmer, i tillegg til klubbrådgjevarane. Spretten 4H held til på Vikse og møtast ein gong i månaden.
Haustfesten vår er ei årleg markering der medlemmane i klubben visar fram sitt 4H-år. Medlemmane lagar ei utstilling der dei kan stille ut det dei sjølv ønsker, som til dømes videosnuttar og bilder frå året, samt skriv og ting som viser det ein har gjort i sitt prosjekt dette året.
I år har heile klubben fullført eit stort prosjekt saman, vårt 4H-år. I prosjektet har me gjort mykje kjekt, som til dømes overnatting i gymsalen med gaming, hengekøyetur, distriksleir på Vikse skule, andre 4H-leirar, Rush og paintball.
Medlemmane har lagt ned mykje arbeid i framstillinga av prosjekta. Det er samla saman bilder, videoar og dei har vore kreative for å slå det saman til ei utstilling for å vise kva me har gjort saman heile dette 4H-året. Heile klubben har saman arbeida på kryss og tvers med gutar og jenter, femte- og åttande-klassingar, fjerdeklassingar og elevar på vidaregåande. Spretten 4H tar gjerne i mot fleire medlemmer.
Me gratulerer medlemmane med eit flott 4H-år, og takkar alle som kom for ein vellukka haustfest.
Beste helsing klubbrådgjevarane i Spretten 4H
Anne W. Ness Emberland, Anne Krokedal, Linn Therese Erve og Marie Emberland