Etter år med pandemi og avlysningar prøver Lions Sveio igjen å invitere til julebord i Førde samfunnshus laurdag 25. november.
Det blir sjølsagt servert julemiddag denne kvelden der menyen er ribbe, riskrem, kaker og kaffi. Lions Sveio håpar på 100 påmelde og arrangøren oppmodar folk å melda seg på til ein triveleg kveld i Førde.
Til å stå for humorshow, allsang og dansemusikk, saman med dyktig musikar, har arrangøren har fått tak i Kurt M. Johansen frå Karmøy. Han har lang erfaring frå underhaldningsbransjen og har mellom anna vore med i «Synth Å Le» og «3 Busserulls». Som humorist opptrer han med forskjellige aktuelle og gjenkjennelege tema innan standup og revyshow. Han spelar karakterar, parodierer og har kjendisimitasjonar og sketsjar.
Gjennom si lange fartstid som humorist har han mellom anna jobba saman med Per Inge Torkelsen, Kenneth Sivertsen, Dag Schreiner, Steinar Lyse, Kristian Valen, Rune Bjerga, Lasse Pedersen og mange lokale artistar.
Sjå elles annonse i papiravisa.
Kjell Gunnar Nymark
sekretær Lions Sveio